Kərəm Həsənovun qohumuna vəzifə verildi

Cəlilabad Rayon İcra Hakimiyyəti başçısının Günəşli kənd inzibati ərazi dairəsi üzrə yeni nümayəndə təyin olunub.

Demokrat.az-ın əldə etdiyi məlumata görə, Cəlilabad Rayon İcra Hakimiyyətinin başçısı Rafiq Cəlilov bununla bağlı müvafiq sərəncam imzalayıb.

Sənədə əsasən, bu vəzifəyə İlqar Həsənov təyinat alıb. O, icra nümayəndəsi vəzifəsində Eldəniz Cəfərovu əvəzləyib.

Qeyd edək ki, İlqar Həsənov əvvəllər də Günəşli kənd inzibati ərazi dairəsi üzrə nümayəndə vəzifəsində çalışıb. Bir neçə il əvvəl isə vəzifəsindən azad olunmuşdu.

Xatırladaq ki, İlqar Həsənov Prezidentin köməkçisi − Azərbaycan Respublikası Prezidentinin Administrasiyasının Dövlət nəzarəti məsələləri şöbəsinin müdiri Kərəm Həsənovun əmisi oğludur.