Yeniyetmə yelləncəyin kəndirini açarkən boğulub ölübmüş

Dünən Salyanda 13 yaşlı məktəblinin ölümü ilə nəticələnmiş hadisənin təfərrüatı məlum olub.

Day.Az "Qafqazinfo"ya istinadən xəbər verir ki, Salyan şəhəri 20 Yanvar küçəsində yaşayan 2011-ci il təvəllüdlü Ə.Səlimovun yelləncəyin ipini açarkən boğularaq ölməsi müəyyənləşib.

Belə ki, ilkin araşdırmalar zamanı yeniyetmənin dünən saat 13 radələrində təhsil aldığı məktəbdən evə gəlməsi və bir qədər sonra evin arxa hissəsində yerləşən yelləncəyin ağacdan asılmış kəndirini açmaq üçün ora getdiyi məlum olub.

Qəzada ölən Nazimin 6 uşağının aqibəti necə olacaq? - ƏTRAFLI BURADA

Bu zaman Ə.Səlimovun ayağının altındakı stul tərpənib və kəndirin düyünlənmiş hissəsi onun boğazına keçib. Ə.Səlimov köməksiz vəziyyətdə qalaraq boğularaq ölüb.

Ə.Səlimovun meyiti dünən saat 15 radələrində qonşuları tərəfindən aşkar edilib.

Faktla bağlı Salyan Rayon Prokurorluğunda araşdırma aparılır.