Ukrayna Prezidenti Volodimir Zelenski Donald Trampı ABŞ prezident seçkilərində qələbəsini elan etməsi münasibətilə təbrik edib.
AZXEBER.COM Qərb mediasına istinadən xəbər verir ki, Zelenski sosial media hesabından Trampa təbrik mesajı ünvanlayıb.
Zelenski mesajında Trampı tarixi qələbəsi münasibətilə təbrik etdiyini və sentyabrda ABŞ-da onunla möhtəşəm görüş keçirdiklərini bildirib.
\"Həmin görüşdə biz Ukrayna-ABŞ strateji tərəfdaşlığını, Qələbə Planını və Rusiyanın Ukraynaya hücumlarına son qoymaq üçün həll yollarını ətraflı müzakirə etmişdik”, - deyə Zelenski əlavə edib.
Ukraynada ədalətli sülhə nail olmaq üçün Trampla birlikdə işləmək istədiklərini qeyd edən Zelenski, Prezident Trampın qlobal münasibətlərdə güc yolu ilə sülh yanaşmasına sadiqliyini yüksək qiymətləndirdiyini qeyd edib.
Cəmalə
