Ukrayna prezidenti Vladimir Zelenski Respublikaçılar Partiyasının namizədi Donald Trampı ABŞ-dakı prezident seçkilərində qazandığı tarixi və inamlı qələbəsi münasibətilə təbrik edib.
Modern.az xəbər verir ki, Zelenski bu barədə X sosial şəbəkəsində bildirib.
Zelenski qeyd edib ki, bu nəticə onun təsirli seçki kampaniyası sayəsində mümkün olub. Ukrayna prezidenti Trampla yaxşı telefon danışığı olduğunu vurğulayıb.
“Biz sıx dialoqu davam etdirməyə və əməkdaşlığımızı inkişaf etdirməyə razılaşdıq” – deyə Zelenski vurğulayıb.
“Nyu-York Tayms” yazır ki, ABŞ seçkilərində səslərin hesablanması hələ də davam edir. Amma artıq məlumdur ki, Tramp rəqibi, demokrat namizəd Kamala Harris üzərində böyük fərqlə qalib gəlib.
Trampın indi Seçkilər Kollegiyasının 295 səsi var, Harrisin isə 270 səsi var ki, bu da onun seçkidə məğlub olduğunu göstərir.
"Cebheinfo.az"
