Amerika Birləşmiş Ştatlarının 47-ci prezidenti seçilən Donald Tramp kampaniya meneceri Syuzan Vaylsı Ağ Evin Aparat rəhbəri təyin edib.
“Cebheinfo.az”-ın məlumatına görə, Trampın “buz qız” kimi xarakterizə etdiyi Vayls arxa planda qalmağa üstünlük verən bir şəxsdir. Seçki kampaniyasındakı uğurlarına görə geniş şəkildə tanınan Vayls, Trampın fikrincə, ABŞ-də ən qorxulu siyasi fiqurlardan biridir.
Syuzan Summareal Vayls Donald Trampın prezident seçkiləri kampaniyasının meneceri olub. Nəticədə, o Ağ Evin yeni administrasiyasında əsas mövqeyə sahib olub.
Tramp təyinatla bağlı açıqlamasında “Vayls mənə Amerika tarixindəki ən böyük siyasi qələbələrdən birini qazanmağıma kömək etdi” - deyib.
47-ci prezident qələbə nitqində Vaylsı “buz qız” adlandırıb.
Tramp bildirib ki, Vayls daha çox arxa planda fəaliyyət göstərir. Lakin ABŞ-də ən qorxulu siyasi fiqurlardan biri kimi tanınır.
Vayls Trampın indiyə qədərki ən intizamlı kampaniyasını idarə etməsi ilə tanınır. Ağ Evin yeni Aparat rəhbəri ön planda olmaqdan o qədər çəkinir ki, hətta Tramp qələbəsini qeyd edərkən o, danışmaq üçün mikrofonu belə götürməkdən imtina edib.
Siyasətlə məşğul olmağa başladıqdan bir ildən də az müddət sonra Syuzan Vayls 1980-ci il seçkilərindən əvvəl Ronald Reyqanın kampaniya komandasına qoşulub.
2010-cu ildə o, o vaxt siyasi təcrübəsi az olan iş adamı Rik Skotun cəmi 7 ay ərzində Florida qubernatoru olmasına kömək edib. Skot hazırda senator kimi fəaliyyət göstərir.
Vayls 2015-ci il prezident seçkiləri zamanı Trampla görüşüb və 2016-cı ildə Tramp praymerizdə 1,6 faiz fərqlə Hillari Klintona qalib gəlib. Tramp hakimiyyəti dövründə Vayls Ağ Evdə xidmət edən ilk qadın olacaq.
Ağ Ev Aparatının rəhbəri prezidentlərin idarə olunmasında həlledici rol oynayır. Onlar mahiyyətcə Ağ Evin menecerləri kimi xidmət edirlər və prezidentin bütün işçilərini bir araya toplamaq məsuliyyətinə malikdirlər.
Aparat rəhbəri Prezidentin İcra Aparatı vasitəsilə kadrlara rəhbərlik edir və bütün gündəlik əməliyyatlara və kadrların fəaliyyətinə nəzarət edir.
O, həmçinin, prezidentlərə siyasət məsələləri ilə bağlı məsləhətlər verirlər və siyasətin işlənib hazırlanmasını idarə etmək və ona nəzarət etmək üçün məsuliyyət daşıyırlar.
