Azərbaycanda keçirilən COP29 heyrətamizdir. COP29-un Azərbaycanda, xüsusilə Bakı kimi gözəl bir şəhərdə keçirilməsi möhtəşəmdir. İlk gün olduğu üçün çox həyəcanlıyam.
Bunu AZƏRTAC-a açıqlaması zamanı COP29 Yaşıl Zonada sərgi pavilyonunda stend ilə təmsil olunan “ACWA Power” şirkətinin baş investisiya direktoru Tomas Brostrom deyib.
Onun sözlərinə görə, COP29-da iştirak üçün geniş proqram hazırlayıblar və Azərbaycan onlar üçün vacib bazardır. Ötən il Dubayda baş tutmuş COP28-lə builki COP29-u müqayisə edən Tomas Brostrom bildirib ki, regionda ilk dəfədir belə genişmiqyaslı və olduqca əhəmiyyətli tədbir keçirilir.
“Biz regiona 20-yə yaxın layihə, 15 milyard dollardan çox sərmayə qoymuşuq. Gələcəkdə “ACWA Power” ilə Azərbaycan arasında çox böyük layihələr həyata keçiriləcəyini düşünürəm”, - deyə Tomas Brostrom vurğulayıb.
