Bakı, TurkicWorld
COP29 konfransında "Bakı Fond Birjası" QSC və "AZCHEMCO" MMC şirkətləri arasında kapital bazarları vasitəsi ilə maliyyələşdirmə, o cümlədən yaşıl istiqrazların buraxılması istiqamətində Əməkdaşlıq Memorandumu imzalanıb.
TurkicWorld xəbər verir ki, sənədin imzalanmasında məqsəd tərəflər arasında qarşılıqlı maraq kəsb edən sahələr üzrə əməkdaşlıq və tərəfdaşlıq münasibətlərinin təmin edilməsidir.
Memorandum şirkətin kapital bazarları vasitəsilə dayanıqlı inkişafı və bu istiqamətdə Bakı Fond Birjasının dəstəyini nəzərdə tutur.
Məlumat üçün bildiririk ki, "AZCHEMCO" MMC şirkəti COP29-da Azərbaycanda şoranlaşmış torpaqların bərpası ilə bağlı innovativ layihəni təqdim edir. İnnovativ layihə olan şoranlaşmış torpaqların əkin sahələrinə çevrilməsi kənd təsərrüfatının iqlim dəyişikliyinə təsirini azaltmağa kömək edəcək.
