Rusiya daxilində sərnişin daşımalarının 26 faizini həyata keçirən 30 kiçik və orta yerli aviaşirkət 2025-ci ildə müflis ola bilər.
Axar.az xəbər verir ki, bu barədə “İzvestiya” məlumat yayıb.
“Maliyyə vəziyyətinin kəskin pisləşməsi və operator sertifikatlarının ləğvi xarici təyyarələrin lizinqinə görə yığılmış borcların ödənilməsini çətinləşdirir. 2022-ci ildə sanksiyaların tətbiqindən sonra onların bir çoxu lizinq ödənişlərini dayandırıb. 2025-ci ildə hökumət onlara olan borcların silinməsinə icazə versə də, bu məbləğlərdən 25% gəlir vergisi tutulacaq. Bu maliyyə gərginliyi onları müflis olmağa məcbur edə bilər”, - məlumatda qeyd olunub.
