Oktyabrın 15-də Cənubi Amerika zonasında DÇ-2026-nın seçmə mərhələsi çərçivəsində Argentina Paraqvayın qonağı olacaq.
İspaniyanın ''As'' nəşrinin məlumatına görə Paraqvay Futbol Federasiyasının qərarı ilə həmin gün Messi forması ilə gələn futbolsevərlər stadiona buraxılmayacaq! Bu qadağa təkcə Messinin Argentina yığmasındakı forması üçün tətbiq olunmayacaq. Eləcə də 37 yaşlı futbolçunun ''Barselona'', PSJ və ''İnter Mayami''dəki formalarını geyən fanatlar da stadiona buraxılmayacaq.
İspaniya mətbuatı bu xəbəri ''Messiyə qarşı qərar'' başlığı ilə paylaşıb. Xəbərdə qeyd olunur ki, Paraqvay rəsmiləri stadionda təhlükəsizliyi təmin etmək və yaşana biləcək hər hansı bir gərginliyin qarşısını almaq üçün bu cür addım atıb. Qeyd edək ki, buna bənzər qərar sentyabrda Braziliya ilə ev oyunundan öncə də qəbul edilmişdi. Həmin vaxt stadiona Visisiusun forması ilə gəlmək qadağan olunmuşdu. Paraqvay o qarşılaşmada minimal hesabla qalib gəlmişdi. Paraqvay hazırda 10 oyuna topladığı 13 xalla 6-cı, yəni DÇ-yə birbaşa vəsiqə verən sonuncu pillədə qərarlaşıb. Amma Argentinaya uduzacağı halda komanda bu pilləni əldən verə bilər.
ƏLİ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
