İsrailin Fələstində törətdiyi vəhşiliklərə dünyanın hər yerində göstərilən reaksiyalar artmaqda davam edir.
Hollandiyanın paytaxtı Amsterdamda Ayaks-Makkabi Təl-Əviv matçından sonra baş verən hadisələrdən sonra ikili vətəndaşları deportasiya etməklə hədələyən hökumətə qarşı etiraz nümayişi keçirilib.
Polis nümayişçilərə müdaxilə edib.
Fransanın paytaxtı Parisdə də Fələstinə dəstək nümayişinə minlərlə insan qatılıb.
“Əbədiyyətə qədər İsrail” dərnəyinin təşkil etdiyi premyeraya etiraz üçün yürüş edən nümayişçilər ilə polis arasında dava düşüb.
Noyabrın 7-də Amsterdamda oynanılan Ayaks-Makkabi Təl-Əviv UEFA Avropa Liqası matçından əvvəl və sonra israilli azarkeşlərin iştirakı ilə baş verən hadisələrdən sonra bu gün Parisdə oynanılacaq Fransa-İsrail futbol matçı üçün sıx təhlükəsizlik tədbirləri görülür.
Bölgədə təhlükəsizliyi təmin etmək üçün 4 min polis əməkdaşının çalışacağı açıqlanıb.
Qeyd edək ki, ötən həftə fələstinli tərəfdarlar Fransa-İsrail futbol matçının oynanmasının qarşısını almaq üçün Fransa Futbol Federasiyasının binasında etiraz aksiyası keçiriblər.
