İspaniyanın şimal-şərqindəki Zaraqoza şəhərində qocalar evində baş verən yanğında 10 nəfərin öldüyü bildirilib.
Qaziler.az TRT-Haber-ə istinadən xəbər verir ki, İspaniyanın rəsmi xəbər agentliyi EFE-nin Araqon Muxtar Vilayəti Hökumətindəki mənbələrə əsaslanaraq verdiyi xəbərdə, yerli vaxtla saat 05-də Villafranca de Ebro rayonundakı "Jardines de Villafranca" adlı qocalar evində yanğının baş verdiyini bildiriib.
Bildirilib ki, yanğın baş verən əraziyə dərhal təcili yardım, yanğınsöndürmə briqadası, jandarma, Mülki Yardım qrupları və psixoloqlar göndərilib, ətrafdakı xəstəxanalara xəbərdarlıq edilib.
Səlahiyyətlilər yanğın zamanı qocalar evində 82 nəfərin olduğunu bildirərək, ilkin məlumatlara görə, 10 nəfərin öldüyünü, 1 nəfərin isə ağır yaralandığını qeyd edib.
QAZİLER.AZ
