Məşhur aktrisa Nurgül Yeşilçay niyə seriallara çəkilmədiyinin səbəbini açıqlayıb.
Sonxeber.az türk mediasına istinadən xəbər verir ki, aktrisa Gökhan Çınarın YouTube kanalında yayımlanan 'FÜG' adlı verilişin qonağı olub.
Mövcud sosial problemlərdən təsirləndiyini deyən Yeşilçay "Bir az kədərliyəm" deyərək, çıxış yolunu komediya proqramlarıda gördüyünü bildirib.
Aktrisa "İnsanların gülməyə ehtiyacı olduğu bir zamanda komediya serialları çəkmirik. Prodüserlərimiz kişi, izləyicimiz isə qadındır" deyib.
Yeşilçay seriallarda niyə rol almadığı ilə bağlı suala "Çünki serial yoxdur" deyə cavab verib.
Qeyd edək ki, aktrisa sonuncu dəfə 2023-cü ilin avqustunda final edən "Veda məktubu" serialında rol alıb.
