İlon Mask bazar ertəsi İranın BMT-dəki səfiri Əmir Səid İrəvani ilə Tehran və Vaşinqton arasında gərginliyi azaltmaq üçün gizli görüş keçirib.
“Cebheinfo.az” xəbər verir ki, bu barədə “The New York Times” adı açıqlanmayan İran rəsmilərinə istinadən yazıb.
“The New York Times” qəzetinə İran mənbələri bir saatdan çox davam edən görüşü “müsbət” və “yaxşı xəbər” kimi qiymətləndiriblər.
Trampın seçki kampaniyasının kommunikasiya direktoru Stiven Çunq belə bir görüşün olub-olmaması ilə bağlı suala belə cavab verib:
“Biz baş tutan və ya olmayan şəxsi görüşlərlə bağlı xəbərləri şərh etmirik”.
Maskın özü “The New York Times”-ın şərh istəməsinə cavab verməyib.
