ABŞ-də ayı kostyumu geyinən və avtomobillərini zədələyən şəxs sığorta dələduzluğunda şübhəli bilinərək saxlanılıb.
"Cebheinfo.az" xəbər verir ki, ABŞ-nin Kaliforniya əyalətində baş verən hadisədə şübhəlilərin zədələnmiş avtomobillərə görə sığorta şirkətindən ödəniş almaq üçün saxta zərər hesabatı hazırladıqları iddia edilib.
İddialara görə, ayı kostyumu geyinən şəxs bilərəkdən bir neçə avtomobilə ziyan vurub. Bu hadisədən sonra avtomobil sahibləri dəymiş ziyanı bildirərək təzminat tələb ediblər. Lakin polis hadisəni araşdıraraq müəyyən edib ki, şübhəlilər bu zərəri bilərəkdən törətmişlər və sığortadan haqsız qazanc əldə etməyə çalışıblar.
Saxlanılan şübhəlilərlə bağlı istintaq davam edir. Polis hadisə ilə bağlı dəlil toplayır. Şübhəlinin evində ayı kostyumu tapılıb.
