Bu yaxınlarda Türkiyənin tanınmış TRT kanalı “Qarabağ”a həsr edilmiş filmi araya-ərsəyə gətirdi. Belə ki, “TRT Belgesel” kanalının yaxın tarixə qapı açan və azadlıq mübarizələrini futbol pəncərəsindən anladan “Qol atan cebheye” sənədli serialında Ağdam təmsilçisi ilə bağlı bölümlərə yer verilib. İkiseriyalı sənədli filmdə Azərbaycan xalqının illərboyu davam edən haqlı mübarizəsində “Qarabağ” futbol komandasının rolu, komandanın dünəndən bugünə uzanan təsirli hekayəsi və tarixi həqiqətlər əks olunur. Bu xəbər, təbii ki, hər bir azərbaycanlını qürurlandırdı. Zəfər Günü işıq üzü görən film qısa müddətdə adamların marağını cəlb edə bildi.
Görəsən, film kinoteatrlarda da təqdim olunacaqmı?
“Qarabağ”ın mətbuat xidmətinin rəhbəri Anar Hacıyevə müraciət etdik. Onun “Football-plus.az”a cavabı belə oldu: “Yox, film hansısa kinoteatrda verilməyəcək. Hər kəsə açıqdı. "Yutub" platformasında var. Bundan başqa, “TRT Belgesel” kanalı artıq bir neçə dəfə bütün seriyaları təkrar verib".
RÖYANƏ OĞUZ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
