Afinada ümummilli tətil səbəbindən ictimai nəqliyyatın fəaliyyəti dayandırılıb.
KONKRET.az CNN-ə istinadən xəbər verir ki, bundan əlavə, Yunanıstanı materikini adalarla birləşdirən bərələrin hərəkəti bir neçə saat ərzində dayandırılıb. Noyabrın 20-də dövlət və özəl sektorda çalışan işçilər hökumətin fəaliyyətindən, xüsusən də inflyasiya ilə mübarizədən narazı olduqları üçün 24 saatlıq tətil elan ediblər. Həmkarlar ittifaqları ölkə hakimiyyətini tənqid edir, onları işləyən əhalinin həyat səviyyəsini xeyli pisləşdirməkdə ittiham edir. Aksiyaya tibb işçiləri və müəllimlər də qoşulub.
Vəli Həsənoğlu,
KONKRET.az
