Dünya əhalisinin təxminən 2,6 faizi xroniki yorğunluqdan şikayətlənir. Gündəlik həyatımızda çətinlik çəkdiyimiz problemlərdən biri də yuxudan erkən oyana bilməməyimizdir. Bu, bizə müəyyən qədər mənfi təsir göstərir.
Bəs, səhərlər enerjili oyana bilməməyimizin səbəbi nədir?
Tibbi elmləri doktoru, professor Adil Qeybulla Bizim.Media-ya bildirib ki, bunun əsas səbəbi vərdişlə bağlıdır:
MÖVZU İLƏ BAĞLI:
Qida əlavələri fayda gətirir, yoxsa FƏLAKƏT? – Gizlədilən HƏQİQƏT
“Bunun müxtəlif səbəbləri ola bilər. Yaşlı adamlar səhərlər durmağa vərdiş ediblər və həmin rejimlə də yaşayırlar. İndiki gənclərin çoxusu isə gecələr sosial şəbəkələrdə vaxt keçirir və gec yatırlar. Bu, kütləvi bir haldır.
İkincisi isə gənclərdə D vitamini çatışmazlığı var. D vitaminin çatışmazlığı isə gənclərin fiziki işlə məşğul olmaması, günəş şüasını az qəbul etməsinə görədir.
Bu isə insanda yorğunluq yaradır.
Eyni zamanda insanlarda immun sistemi koronavirus pandemiyasından sonra zəifləyib. Lakin dediyim kimi, yşlılara nisbətdə gənclərin yuxudan gec oyanması əsasən ənənə və vərdişə bağlı bir şeydir”.
Nuranə Daxilqızı, Bizim.Media
