Müəllif:Ayşən İmanova/Banco.az
Polşa gələn ildən müdafiə xərclərini ölkənin ümumi daxili məhsulunun 3,1%-dən 4,7%-nə çatdırmaq niyyətindədir.
Banco.az xəbər verir ki, bu barədə “RMF FM” radiostansiyası məlumat yayıb.
“Hakim koalisiyanın liderləri gələn il müdafiə xərclərini ÜDM-in ən azı 4,7%-nə qədər artıracaq büdcə layihəsi hazırlamağa razılaşıblar”, - deyə məlumatda bildirilir.
NATO-ya görə, hazırda yalnız beş üzv dövlət - Polşa, Estoniya, ABŞ, Latviya və Yunanıstan müdafiəyə ÜDM-in 3 faizindən çoxunu xərcləyir.
Qeyd edilib ki, Polşa prezidenti Anjey Duda tərəfindən təsdiq edilmiş 2024-cü il dövlət büdcəsində müdafiə xərcləri ÜDM-in 3,1%-ni təşkil edən 118 milyard zloti (30,8 milyard dollar ekvivalentdə) məbləğində nəzərdə tutulub.
