İspaniya millisinin sabiq futbolçusu Xuan Matanın yeni klubu məlum olub.
ILK.AZ Azərtac-a istinadən xəbər verir ki, 37 yaşlı yarımmüdafiəçi Avstraliyanın “Sidney Uonderers” komandasına keçib. Onunla 1 illik müqavilə imzalanıb.
X.Mata son olaraq Türkiyənin “Qalatasaray” komandasında çıxış edib.
Qeyd edək ki, Xuan Mata karyerası ərzində “Qalatasaray”la yanaşı, “Real Madrid”, “Valensiya” (hər ikisi İspaniya), “Çelsi” və “Mançester Yunayted” (hər ikisi İngiltərə) komandalarının formalarını geyinib. O, İspaniya millisinin heyətində 2010-cu ildə dünya, 2012-ci ildə isə Avropa çempionatının qalibi olub.
Mənbə: AZƏRTAC
