2024-cü ilin yanvar-avqust aylarında Monqolustan Çinə 53,7 milyon ton kömür ixrac edib. Bu barədə çərşənbə axşamı ölkənin Baş Gömrük İdarəsi məlumat yayıb.
Rəsmi hesabatda qeyd olunduğu kimi, bu göstərici ötən ilin müvafiq dövrü ilə müqayisədə 31,3% artıb.
Hazırda mədən sənayesi Monqolustan iqtisadiyyatının əsas hərəkətverici qüvvələrindən biri olaraq qalır. Monqolustan kömürdən başqa qızıl, gümüş, dəmir, mis, molibden, volfram, qalay, nikel, sink və flüorspat kimi mineral ehtiyatlarla zəngindir.
Monqolustanda hasil edilən kömürün əhəmiyyətli bir hissəsi dünyanın ən böyük kömür yataqlarından biri olan Tavan Tolgoi kömür yatağından gəlir. Onun ehtiyatları 6,5 milyard ton təşkil edir, bu ehtiyatların təxminən 40%-i kokslaşan kömürdür.
Monqolustanın Sənaye və Mineral Ehtiyatlar Nazirliyinin məlumatına görə, ölkə 2024-cü ildə 60 milyon ton kömür ixrac etməyi qarşısına məqsəd qoyub.
Oxuməni.az
