Noyabrda ABŞ-da keçiriləcək prezident seçkiləri öncəsi namizədlər vədlərini açıqlamaqda davam edirlər. Keçmiş prezident, Respublikaçılar Partiyasının namizədi Donald Tramp seçiləcəyi təqdirdə Çinin Meksikada istehsal etdiyi və ABŞ-a göndərdiyi avtomobillərə 200 faiz gömrük rüsumu tətbiq edəcəyini açıqlayıb.
ABŞ-ın keçmiş prezidenti və Respublikaçılar Partiyasının 2024-cü il prezident seçkilərində namizədi Donald Tramp Miçiqan ştatında etdiyi çıxışda Çinin ABŞ-ın avtomobil sənayesi və iqtisadiyyatına təsirini qiymətləndirib.
Tramp: “Seçkidə qalib gəlməsəm, 2 və ya 3 ildən sonra avtomobil sənayemiz olmayacaq” dedi.
Çin şirkətlərinə əlavə vergi
Avtomobil istehsal edən Çin şirkətlərinin Meksikada “nəhəng fabriklər” qurduğunu iddia edən Tramp, seçkilərdə qalib gələcəyi təqdirdə bu zavodlarda istehsal olunan və ABŞ-a idxal edilən avtomobillərə 200 faiz gömrük rüsumu tətbiq edəcəyini qeyd edib.
Trump, tətbiq edəcəyi gömrük rüsumlarının "Meksikada istehsal olunan Çin avtomobillərini" ABŞ-da satılmaz hala gətirəcəyini və xarici avtomobil istehsalçılarının ABŞ-da fabriklər qurmasına imkan yaradacağını müdafiə etdi.
“O maşınları satmayacaqlar”
ABŞ-ın keçmiş prezidenti mart ayında Ohayo ştatında etdiyi çıxışda Çin prezidenti Si Cinpinə müraciət edərək, “Hazırda Meksikada inşa etdiyiniz nəhəng avtomobil istehsal müəssisələrində amerikalıları işə götürməyəcəksiniz və o maşınları bizə satmayacaqsınız” deyib.
