Xəbər verdiyimiz kimi, Prezident İlham Əliyev sentyabrın 19-da Ağdam şəhərində “Aghdam City Hotel”in açılışında iştirak edib.
“Qafqazinfo”nun məlumatına görə, Ağdam şəhər mərkəzinə yaxın ərazidə inşa olunan
hotelin binası 5 mərtəbədən ibarətdir.
Ən müasir standartlara cavab verən hotelin binasında 130 otaq var. Burada qonaqların zövqünü oxşayan interyer işləri görülüb.
Diqqətə çatdırıldıb ki, hoteldə fiziki məhdudiyyətli qonaqlar üçün xüsusi dizayn edilmiş 4 otaq da mövcuddur. “City Hotel”də qonaqların sağlamlıq və istirahətini təmin etmək məqsədilə fitnes və SPA mərkəzləri də yaradılıb.
