srail Müdafiə Qüvvələri (IDF) Livanda yerləşən “Hizbullah” hədəflərinə zərbələr endirib.
Təl-əviv hücumların məqsədinin “təşkilatın terror potensialını və hərbi infrastrukturunu azaltmaq” olduğu bildirilib. Livan mediası ölkənin cənubundakı Deyr Qanun ən-Nəhr şəhəri ətrafına kütləvi hava zərbələri endirdiyini bildirir. İsrailin “Ynet” portalı qeyd edir ki, İDF zərbələri “Hizbullah”ın baş katibi Həsən Nəsrullahın yaraqlıların istifadə etdiyi peycerlərin son partlayışları ilə bağlı çıxışı ilə eyni vaxta düşüb. Livan Milli Agentliyi (NNA) yazır ki, “Hizbullah” buna cavab olaraq İsrailin Livanla sərhədindəki Qərbi Qaliley bölgəsindəki Şomer qəsəbəsində İsrail kazarmalarına hücum edib.
Həsən Nəsrullahın çıxışının yayımı zamanı İsrail Hərbi Hava Qüvvələrinin qırıcıları Beyrut üzərində aşağı hündürlükdə uçublar. Təyyarələrdən bir neçəsi sosial şəbəkələrdə və yerli mediada yayılan videoya çəkilib. Livanın müxtəlif şəhərlərindən hündür tüstü sütunlarını göstərən hücumlardan sonra görüntülər də yayılıb.
Bir gün əvvəl, sentyabrın 18-də İDF Baş Qərargah rəisi Herzi Halevi şimal cəbhəsində müdafiə və hücum planlarını təsdiqləyib. Bundan sonra müdafiə naziri Yoav Gallant hərbi qüvvələrin bir hissəsinin Qəzza zolağından ölkənin Livanla həmsərhəd olan İsrailin şimalına köçürüldüyünü açıqlayıb. İsrailin baş naziri Benyamin Netanyahu hərbi manevrləri şimal sakinlərini evlərinə qaytarmaq istəyi ilə izah edib. “
Fələstin HƏMAS ilə müharibənin başlamasından sonra Livandan “Hizbullah”ın atəşə tutması səbəbindən İsrailin şimalındakı sərhəd bölgələrində kütləvi təxliyələr elan edilib. Ümumilikdə sərhədə yaxın 28 yaşayış məntəqəsi boşaldılıb. 100 minə yaxın israilli evlərini tərk edib.
//Samir Qurbanov, Editor.az
