AOC CU34G4Z gaming monitoru təqdim edilib

     AOC şirkəti öz yeni gaming monitorunu təqdim edib. Şirkətin yeni gaming monitoru AOC CU34G4Z adlanır. Beləliklə bu yeni monitor 240 Hz-lik təsvir yenilənməsinə sahib 3440x1440 piksel keyfiyyətli 34 düym ölçülü VA ekranla təchiz olunub. Ekranın maksimal parlaqlıq səviyyəsi 400 nit, istifadəçi əməliyyatlarına reaksiya müddəti isə 0.3 millisaniyə təşkil edir. Ekran sRGB və DCI-P3 rəng diapazonlarının 99%-ni əhatə edir və üstəlik özündə AMD FreeSync texnologiyasının dəstəyini birləşdirir. Monitor HDMI 2.1, DisplayPort 1.4, USB 3.2 Gen 1 girişlərinə və naqilli qulaqlıqlar üçün nəzərdə tutulmuş audio girişə sahibdir. AOC CU34G4Z-nin nə zaman və hansı qiymətə satışa çıxacağı açıqlanmayıb.