Fransanın PSJ klubunun müdafiəçisi Milan Şkrinyar karyerasını İtaliyada davam etdirə bilər.
Fanat.Az xəbər verir ki, məlumatı "Calciomercato" yayıb.
Mənbənin məlumatına görə, "Yuventus" slovakiyalı futbolçu ilə ciddi maraqlanır. Turin təmsilçisi braziliyalı zədəli oyunçusu Bremerin yerinə məhz Şkrinyarın namizədliyini nəzərdən keçirir. Milan özü Parisdə az oynadığı üçün komandasını dəyişməyə, "Qoca sinyora"ya keçməyə hazırdır.
Slovakiyalı oyunçu bu mövsüm cəmi 3 matçda iştirak edib.
Onun PSJ ilə müqaviləsinin müddəti 2028-ci ilin ortalarına qədərdir. Futbolçunun bazar dəyəri 20 milyon avrodur.
Mirağa
