Trampın kampaniyası hakimiyyətin ötürülməsi ilə bağlı seçilmiş prezodentin Baydenlə görüşəcəyini açıqlayıb...
Poliqon xəbər verir ki, iyasətçinin seçki qərargahından verilən məlumata görə, ABŞ prezidenti Co Bayden və prezident seçkilərində şərti olaraq qalib gələn respublikaçı Donald Tramp arasında görüş yaxın vaxtlarda baş tutacaq.
Respublikaçı kampaniyanın kommunikasiya direktoru Stiven Çanq qeyd edib ki, seçilmiş prezident Ağ Evin hazırkı administrasiyası ilə görüşü səbirsizliklə gözləyir. Çanq Amerika prezidentinin Donald Trampa çağırışını və hakimiyyətin rahat keçidi məsələsini müzakirə etmək üçün Vaşinqtona dəvəti təsdiqləyib.
Qeyd edək ki, Co Bayden seçkidə qalib gələn Trampa zəng edərək onu uğuruna görə təbrik edib və hakimiyyətin ötürülməsi məsələsini müzakirə etmək üçün Ağ Evə dəvət edib. Prezidentlik kampaniyası zamanı Trampın rəqibi olmuş ABŞ-ın vitse-prezidenti Kamala Harris də respublikaçını qələbəsi münasibətilə təbrik edib.
Noyabrın 5-də keçirilən prezident seçkilərində Donald Trampa 277 seçici səsi ilə ABŞ-nin 47-ci prezidenti seçilib.
Poliqon.info
