COP29 çərçivəsində “Birgə hərəkat: Karib dənizi adaları üçün ədalət və dayanıqlılıq naminə nəsillərarası baxışlar” adlı sessiya keçirilib.
Bakıvaxtı.az xəbər verir ki, “Birgə hərəkat: Karib dənizi adaları üçün ədalət və dayanıqlılıq naminə nəsillərarası baxışlar” adlı sessiyada ada innovasiya layihələrinin direktoru Grace Henry iqlim mobilliyi, enerji dayanıqlığı və biomüxtəlifliyin qorunması kimi mövzuların müzakirə etməli olduğumuz əsas məsələlərdən biri olduğunu bildirib.
CCSA Maliyyə İnnovasiyaları Direktoru Cheryl Senhouse bildirib ki, maliyyə, strategiya mütəxəssisi kimi bacarıqlarını və öyrəndiklərini iqlim dəyişikliyinin təsirlərini həll etmək istiqamətində bölüşməyə hazırdır.
Qeyd edək ki, sessiyada Karib İqlim Ədalət Liderləri Akademiyasının (CCJLA) gəncləri və yaşlı liderləri iqlim ədaləti və dayanıqlılıq uğrunda mübarizədə nəsillərarası əməkdaşlıq hekayələrini paylaşıblar və ənənəvi biliklərə əsaslanan yaşlı nəslin müdrikliyinin həm mədəni irsə dərindən bağlı olan, həm də gələcək iqlim problemlərinə uyğunlaşan həllər yaratmaq üçün gənc nəsillərin enerji, innovasiya və rəqəmsal fərasət ilə necə qarışdığı vurğulanıb.
