Türkiyənin Milli Müdafiə naziri Yaşar Gülər leytenantların məzuniyyət mərasimində qılınc andı içməsindən sonra başlanan istintaqla bağlı noyabrın 25-nə işarə edib.
Turkustan.az xəbər verir ki, Yaşar Gülər Hərbi Akademiyanın buraxılışında and içərək barələrində istintaqa başlanılan leytenantlarla bağlı yeni açıqlama verib. Gülər 25 noyabra işarə edərək, “Qərarı Ali İntizam Şurasında verəcəyik” dedi.
Bir telekanalda çıxış edən Gülər, "Cəmiyyət olaraq 25 noyabra qədər səbirlə gözləmək məcburiyyətindəyik. Amma Türk Silahlı Qüvvələri olaraq bu cür hadisələrə yanaşmamızda nizam-intizam anlayışımız hər zaman birinci yerdədir. Hazırda intizam prosesi davam edir. Qərarını Yüksək İntizam Şurasında verəcəyik”.
Avqustun 30-da Hərbi Akademiyada keçirilən andiçmə mərasimindən sonra lentə alınan görüntülər müzakirələrə səbəb olub. Andiçmə mərasimindən sonra sahəyə toplaşan bir qrup yeni məzun olmuş leytenant “Biz Mustafa Kamalın əsgərləriyik” deyərək qılınclarını çəkib havaya qaldırıblar.
Eltac Zülfüqaroğlu/Turkustan.az
