Qeyri-hökumət təşkilatının məlumatına görə, İranda 26 yaşlı gənc əvvəlki edamının 30 saniyəlik fasilə ilə dayandırılmasından aylar sonra, çərşənbə günü ikinci dəfə asılıb.
Əhməd Əlizadə 2018-ci ilin oktyabrında qətl ittihamı ilə həbs edilmişdi.
O, bu ittihamı inkar edirdi. Norveç mərkəzli İran İnsan Haqları (IHR) təşkilatının verdiyi məlumata görə, o, ölüm cəzasına məhkum edilmişdi.
Onun ölüm cəzası 27 aprel 2024-cü ildə Tehran yaxınlığındakı Kərəc şəhərindəki Qızıl Hasar həbsxanasında icra edilməli idi. Lakin edamın başa çatmasına cəmi 28 saniyə qalmış qurbanın ailəsi birdən "bağışlanma" deyərək qışqırdıqdan sonra o, dar ağacından endirilmişdi. Onun "ölü" bədəni canlandırılmış və edam dayandırılmışdı, IHR qeyd edib.
İranın şəriət qanunlarına görə, qurbanın ailəsi cinayətkarın həyatını xilas etmək üçün qan pulu tələb edə bilər və ya onu bağışlamaq qərarına gələ bilər. Lakin fəalların dediyinə görə, əksər hallarda məhkumun ailəsi tələb olunan məbləği ödəməyə maddi imkanları olmur və edam baş verir.
Əlizadə qurbanın ailəsi ilə qan puluna dair hər hansı bir razılaşma olmadığı üçün ölüm cəzası təhlükəsi altında qalırdı.
IHR-ə görə, o, çərşənbə günü səhər saatlarında Qızıl Hasar həbsxanasında yenidən edam edilib.
"İstedadlı bir tələbə olan Əlizadə qətl ittihamı ilə ikinci dəfə asılıb. O, işgəncə altında etiraf etdiyini iddia edirdi," IHR-ın direktour Mahmud Əmiri-Müqəddəm İran rejiminin "edam maşınına" etiraz edərək bildirib.
Fəallar İranın ölüm cəzasından xüsusilə 2022-2023-cü illərdə baş verən kütləvi etirazlardan sonra cəmiyyətdə qorxu yaratmaq üçün istifadə etdiyini deyir.
IHR-ə görə, 2024-cü ildə edamlarda yeni bir artıı baş verir, oktyabr ayında 166 edam qeydə alınıb ki, bu da 2007-ci ildən etibarən təşkilatın edamları izləməyə başladığı dövrdə bir ayda qeydə alınmış ən yüksək göstəricidir.
Amnesty International kimi təşkilatlar bildirir ki, İran Çindən sonra hər il ən çox edam həyata keçirən ölkədir. Çinin dəqiq statistikası isə mövcud deyil.
visiontv.az
