İsrail Qəzzada köçkünlərin çadırını vurdu, ölənlər var

 

AZXEBER.COM Türkiyə mediasına istinadən xəbər verir ki, bu dəfə İsrailin Bureyc Qaçqınlar Düşərgəsindəki köçkünlərin çadırlarına endirdiyi hava hücumunda biri uşaq olmaqla 3 fələstinli həyatını itirib.

 

Belə ki, İsrailə məxsus pilotsuz uçuş aparatı (PUA) Qəzzanın mərkəzi hissəsində yerləşən Deyr əl-Belah şəhərindəki Büreyc Qaçqınlar Düşərgəsini bombalayıb.

 

İsrailin 7 oktyabr 2023-cü ildən bəri hücumlarını davam etdirdiyi Qəzzada 2 milyon 300 min fələstinlinin 2 milyonu yerindən, yurdundan didərgin düşüb.

 

Qeyd edək ki, yurdundan didərgin düşən fələstinlilərin sığındığı çadırlar tez-tez İsrail ordusunun hədəfinə çevrilir.