"Səbail"in yeni baş məşqçisi Cavid Hüseynov artıq heyətlə bağlı seçimlərə start verib.
Gənc mütəxəssisin komandada görmək istəmədiyi futbolçuların başında David Qomis gəlir.
Sabiq baş məşqçi Şahin Diniyevin sevimli futbolçularından olan vinger uzunmüddətli zədədən bu mövsümün əvvəli qayıdıb.
Amma heç cür əvvəlki formasını bərpa edə bilmir.
O, meydana çıxdığı 9 qarşılaşmada nə iləsə yadda qala bilməyib.
Belədə 31 yaşlı yarımmüdafiəçinin yola salınmasına qərar verilib.
Ayrılıq qərarının verilməsində onun maaşının yüksək olması da rol oynayıb.
Sadəcə onunla 2025-ci ilin dekabrına kimi qüvvədə olan müqaviləsi yolların ayrılmasında əsas maneədir.
Klub rəsmiləri bu məsələdə Qomislə razılıq əldə etməyə çalışır.
XANOĞLAN/ SPORTİNFO.AZ
