İspaniyanın ən titullu futbol klublarından olan “Barselona”nın prezidenti Joan Laporta bu gün Azərbaycana işgüzar səfərə gəlib.
Arena.az xəbər verir ki, klub prezidenti BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak məqsədi ilə ölkəmizə gəlib.
Laportanı hava limanında idman ictimaiyyəti və media mənsubları qarşılayıblar.
Joan Laporta hava limanında jurnalistlərə qısa açıqlama da verib. “Barselona”nın prezidenti bunları qeyd edib:
“Mən Bakıya sammitə görə gəlmişəm. Ölkənizdə olmaqdan məmnunam. Azərbaycana bu dəvətə görə təşəkkür edirəm”.
Xatırladaq ki, hazırda Azərbaycanda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçirilir. Noyabrın 11-dən başlamış nüfuzlu tədbir ayın 22-nə qədər davam edəcək. Bununla əlaqədar dünya futbolunun bəzi tanınmış simaları da Bakıya təşrif buyururlar.