1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
UEFA Millətlər Liqasının qrup mərhələsinə yekun vurulub.
Oxu.Az xəbər verir ki, son oyun günündə Türkiyə millisi səfərdə Monteneqro yığması ilə qarşılaşıb.
Ay-ulduzlu komanda məğlub olaraq, A liqasına birbaşa vəsiqə qazanmaq şansını əldən verib - 3:1.
Paralel matçda Uels İslandiyanı məğlub edərək, qrup lideri kimi növbəti mövsümdə A liqasında oynamaq imkanı qazanıb - 4:1.
Belə ki, bu nəticələrdən sonra Uels 12 xalla ilk pillədə qərarlaşıb. Türkiyə isə 11 xalla ikinci olub.
Digər görüşlərdə Bosniya və Herseqovina Niderlandla, Macarıstan Almaniya ilə sülh bağlayıb - 1:1.
Ukrayna səfərdə Albaniyanı (1:2), Çexiya evdə Gürcüstanı (2:1) məğlub edib. Slovakiya minimal hesabla Estoniyaya qalib gəlib - 1:0. Malta - Andorra matçında isə hesab açılmayıb - 0:0.
Qeyd edək ki, daha öncədən məlum olduğu kimi Portuqaliya, Xorvatiya, Fransa, İtaliya, İspaniya, Danimarka, Almaniya və Niderland turnirin 1/4 final mərhələsinə yüksəliblər.
