Ümumdünya Səhiyyə Təşkilatının (ÜST) məlumatına görə, Əfqanıstanda qida çatışmazlığı getdikcə ağırlaşan böhrana çevrilib və beş yaşdan kiçik 2,9 milyon uşaq ciddi qida çatışmazlığı ilə üzləşib.
Bizim.Media xarici mətbuata istinadən xəbər verir ki, ÜST-nin baş direktoru Tedros Adhanom Qebreyesusun sözlərinə görə, bu uşaqların 850 mini kəskin qida çatışmazlığından əziyyət çəkir. O vurğulayıb ki, Əfqanıstan əhalisinin üçdə biri daşqınlar və quraqlıqlar nəticəsində daha da şiddətlənən ərzaq çatışmazlığı olan ərazilərdə yaşayır.
ÜST-nin səhiyyə işçiləri Əfqanıstandakı 140 sağlamlıq mərkəzində kəskin qida çatışmazlığı olan 21 min uşağa kömək ediblər. Bununla belə, göstərilən tibbi xidmət yetərli deyil və bu uşaqların əlavə dəstəyə ehtiyacı var.
Bundan əvvəl ÜST Əfqanıstanın beş şimal əyalətindəki tibb mərkəzlərinə 20 tona yaxın dərman və tibbi ləvazimatların tədarükü barədə elan edib. Bu tədarükə pnevmoniya, qızılca və vəbanın müalicəsi üçün dəstlər, həmçinin cərrahi və sarğı dəstləri daxildir.
Bizim.Media
ÜST-dən XƏBƏRDARLIQ - Əfqanıstanda 2,9 milyon uşaq qida çatışmazlığından əziyyət çəkir
Bütün xəbərləri reklamsız oxumaq üçün
Günlük ölkədə baş verən xəbərləri bizdən izlə.
3Sources
