"Real Madrid" klubunda fransız hücumçu Kilian Mbappenin transferindən narazılıq var.
İqtisadiyyat.az xəbər verir ki, bu barədə jurnalist Romen Molina "Daily Mail"ə bildirib.
Molinanın sözlərinə ki, "Real" rəhbərliyi Mbappe ilə müqavilə bağladıqlarına görə peşmandır.
"Onu dəvət etdiklərinə görə peşmandırlar. Mən buna zəmanət verə bilərəm. Bu barədə mənə qeyri-rəsmi deyiblər. Onu klub prezidenti Florentino Peres istəyirdi, çünki ulduz oyunçuları sevir. Klub onun oyun səviyyəsindən narazıdır. Amma bəlkə də bu, Kilianın günahı deyil",-deyə o, əlavə edib.
Mbappe ilə "Real" arasında müqavilə 3 iyun tarixində rəsmi elan edilib. Hücumçu azad agent statusu ilə İspaniya nəhənginə keçib.
