Üçüncü rübün sonunda bp şirkətinin işçiləri olan Azərbaycan vətəndaşlarının sayı 2401 nəfər olub və bura müddətli müqavilə əsasında işləyən işçilər də daxildir.
Marja.az xəbər verir ki, bu, "bp Azərbaycan"ın 2024-cü ilin üçüncü rübünün yekunları üzrə Biznes əməliyyatları hesabatında bildirilir.
2023-cü ilin üçüncü rübün sonunda bp şirkətinin işçiləri olan Azərbaycan vətəndaşlarının sayı 2395 nəfər, 2023-cü ilin sonunda isə 2353 nəfər olmuşdu.
2018-ci ilin ortalarından bp-nin ixtisaslı işçilərinin 90%-ni milli kadrlar təşkil edir. İxtisası olmayan işçilər isə 100% yerli vətəndaşlardan ibarətdir.
