Xarici İşlər naziri Ceyhun Bayramov Ermənistanın COP29 da iştirak etməməsini şərh edib.
Hurriyyet.az xəbər verir ki, nazir bildirib ki, COP-un inklüzivliyini təmin etmək üçün Azərbaycan tərəfi konvensiyaya üzv bütün tərəflərə olduğu kimi, Ermənistana da dəvət göndərmişdi.
“Azərbaycanda COP-un keçirilməsi ilə bağlı qərar qəbul olunan zaman qarşılıqlı addımlar atılmışdı. Ermənistan tərəfindən də konfransda iştirakla bağlı bir neçə nümayəndənin qeydiyyatdan keçməsinə baxmayaraq, onların konfransda iştirakını müşahidə etməmişik. Hesab edirik ki, bu da itirilmiş fürsətdir”.(Musavat.com)
