Erik ten Haq istefaya göndəriləndən sonra müvəqqəti olaraq "Mançester Yunayted"də baş məşqçinin funksiyalarını yerinə yetirən Rud van Nistelroyun klubdan gedərkən futbolçulara nə vəd verdiyi bəlli olub.
Fanat.Az xəbər verir ki, məlumatı "The Sun" yayıb.
Xəbərə görə, "qırmızı şeytanlar"ın sabiq hücumçusu futbolçulara təşəkkürünü bildirərək onlardan yeni çalışdırıcının - Ruben Amorimin rəhbərliyi altında bütün bacarıqlarını ortaya qoymağı, uğurlar qazanmağı tələb edib. Mənbə komandada xüsusi hörmət qazanan Rudun nə vaxtsa MY-yə qayıdacağına söz verdiyini də vurğulayıb.
Xatırladaq ki, 10 milyon avro təzminat qarşılığında "Sportinq"i Mançester təmsilçisinə dəyişən portuqaliyalı mütəxəssis Amorim noyabrın 11-dən yeni postunda rəsmən fəaliyyətə başlayıb.
Nihat
