Almaniya yığmasının keçmiş qapıçısı Oliver Kan, “Bayern”in qapıçısı Manuel Noyerin “bundestim”dən ayrılıq səbəbinə aydınlıq gətirib.
Arena.az xatırladır ki, Noyer Almaniyada keçirilmiş AÇ-2024-ün 1/4 finalında İspaniya yığmasına məğlubiyyətdən (əlavə vaxtda 1:2) sonra, “bundestim”in heyətində çıxışına xitam verdiyini açıqlamışdı.
“Mən buna öz karyeramdan bələdəm: o, uzun illər milli komandada “1” nömrə rayihəsinə sahib olmasına öyrəşib və bunu qoruyub. Məğlub olduğnuz an asan deyil, xüsusən də psixoloji baxımdan.
Bir çuxura düşürsən və özünü sorğulayırsan: “İndi məqsədim nədir, başqa nəyə nail ola bilərəm? Ona görə də Manuelin bu mövsüm hər oyunda ondan gözlədiyimiz səmərəni göstərməməsinə təəccüblənmirəm. O, hələ də dünya səviyyəsində oynamağa qadirdir. Bu, davamlı olaraq böyük bir fəsaddır. Ona, özü üçün aydın bir məqsəd müəyyənləşdirməsi gərəkdir.
Mən 2006-cı ildə millidən gedəndə bunu təkcə “Bayern” üçün deyil, özümə də aydınlaşdırmışdım: daha iki il və hər şey bitdi. Bu, mənə və kluba kömək etdi. Hər kəs nə baş verdiyini dəqiq bilirdi. Bu da mənim üçün bir hərəkətverici qüvvə oldu. Bu aydın məqsəddən ilham ala bildim. Bu məqama qədər mən çoxlu qalibiyyətlər əldə etmək və çıxışımı yüksək və şərəfli bir notda bitirmək istəyirdim. Heç kim karyerasının sonunda qovulmaq istəməz”, – deyə Oliver Kan bildirib.
Manuel Noyer “Şalke”nin yetirməsidir. Alman qapıçı 2011-ci ilin iyulundan “Bayern”də çıxış edir. Noyer Münhen klubuna 30 milyon avro məbləğ müqabilində elə, “Şalke”dən transfer edilib.
Qapıçının Münhen klubu ilə cari müqaviləsi 2025-ci ilin iyun ayının sonuna qədər qüvvədədir.
Noyer cari mövsümdə “Bayern”in heyətində 15 oyuna çıxıb, 12 qol buraxıb, 9 oyunda qapısının toxunulmazlığını təmin edib. Təcrübəli qapıçının “Bayern” karyerası ümumilikdə 536 oyun, 439 buraxılmış qol və 253 “quru” oyundan ibarətdir.
Noyer 2009-cu ilin iyununda debüt etdiyi və bu il iştirakına xitam verdiyi Almaniya yığmasının heyətində ümumilikdə 124 oyun keçirib, 118 qol buraxıb, 51 oyunda qapısını toxunulmaz saxlayıb.
Alman qapıçı “bundestim”lə DÇ-2014-ün qalibi olub. Noyer həmçinin Almaniyanın U-21 yığması ilə Avropa çempionatını (2009) qazanıb.
