Avropa İttifaqı (Aİ) ölkələri Rusiyaya qarşı tətbiq etdiyi sanksiyalara yenidən baxmalıdır, çünki onlar enerji qiymətlərinin artmasına səbəb olub və Avropanın rəqabət qabiliyyətini zəiflədir.
Bu barədə Macarıstanın baş naziri Viktor Orban məlumat verib.
Siyasətçi xatırladıb ki, Aİ liderləri noyabrın 8-də Budapeştdə keçirilən qeyri-rəsmi sammitdə Avropanın Rəqabət Qabiliyyəti haqqında Bəyannaməni imzalayıblar.
Bu sənəd, digər məsələlərlə yanaşı, neftin, qazın və elektrik enerjisinin qiymətlərinin əvvəlki səviyyələrinə qayıtması üçün qəbul edilib.
