Bu qida əzələ əmələ gəlməsini sürətləndirir və bədəni zülalla doldurur. Yediyiniz zaman arıqlamağınıza səbəb olur.
Sfera.az bildirir ki, söhbət fıstıq yağından gedir.
Belə ki, fıstıq yağında protein, lif, manqan, maqnezium, fosfor, vitamin E və B vitaminləri kimi bir çox faydalı komponentlər var. Fıstıq yağının bir porsiyası 32 qram və təxminən 190 kaloridir. Tədqiqatlar təbii fıstıq yağının çəki artımına səbəb olmadığını müəyyən edib.
"American Journal of Clinical Nutrition"da dərc edilən bir araşdırma sübut edib ki, keyfiyyətsiz karbohidratlar yerinə fıstıq yağı istehlak edildikdə çəki itkisi sürətləndirilə bilər.
"European Journal of Nutrition"da 2018-ci ildə dərc edilən bir araşdırmada fındıq və yerfıstığı istehlak edən insanların daha yavaş çəki aldığı və piylənmə riskinin daha az olduğu qeyd olunub.
Bununla belə, fıstıq yağının tərkibində əlavə şəkər və konservantlar olmamalıdır. Çünki şəkər əlavə edilmiş fıstıq yağı çəki artımına səbəb ola bilər.
"British Journal of Nutrition"da dərc edilən bir araşdırma fıstıq yağının piylənmə ilə mübarizə aparan yetkinlərə təsirini aydınlaşdırıb. Yüksək karbohidratlı səhər yeməyinə 3 xörək qaşığı (48 qram) fıstıq yağı əlavə etmək iştahın əhəmiyyətli dərəcədə azaldığını ortaya çıxarıb.Fıstıq yağında olan əsas komponentlərdən biri oleik turşusudur ki, o da xolesterolu, qan şəkərini və qan təzyiqini balansda saxlamağa kömək edir. Buna görə də ürək xəstəlikləri riskini azaldır.Bədəndə kifayət qədər lif olması hər şeyin optimal səmərəlilikdə işləməsinə kömək edir. Fıstıq yağı liflə zəngin qidadır və diabet əlamətlərini azaltmağa kömək edə bilər.Tərkibində manqan, E və B vitaminləri olan fıstıq yağı orqanizmin zədələnməsinin qarşısını almaq və bərpa etməkdə təsirli olur. O həmçinin xərçəngə tutulma ehtimalını azaltmağa kömək edir.Fıstıq yağında bol miqdarda B6 vitamini və kalium var. Fıstıq yağı kalsium, natrium və dəmir kimi minerallarla da zəngindir.Əzələ və kilo itkisi tez-tez əlaqələndirilir. Tədqiqatlar göstərir ki, fıstıq yağı kimi qidalardan kifayət qədər protein almaq əzələ kütləsini qorumağa kömək edə bilər.
Qeyd edək ki, fıstıq yağı qovrulmuş fıstıqdan hazırlanır. Dad vermək üçün adətən duz və ya dadlandırıcı əlavə edilir. Soyuq istehlak edilən fıstıq yağı birbaşa çörək üzərinə çəkilib yeyilə bilər.
Firuzə Əliyeva
