İki yaşlı uşaq sınıqçının masajı zamanı öldü

Xəbər verdiyimiz kimi, Biləsuvar rayonunda iki yaşlı uşaq sınıqçının masajı zamanı ölüb.Dünyasını dəyişən uşağın atası Qafqazinfo-ya danışıb.Atanın sözlərinə görə, Nəzrin axsadığına görə sınıq və ya çıxığın olduğunu düşünüb xəstəxanaya aparıblar:“Rentgen müayinəsindən sonra bildirildi ki, belə bir problem yoxdur, damar dolaşması uşaqda narahatlıq yaradar. Bundan sonra masaja görə Nərgiz İmanovanın yanına apardım və o, uşağı sağaldacağını boynuna götürdü. İkinci gün masaj zamanı uşaq ağrıdan şok keçirərək öldü”.***Biləsuvar rayonunda faciəvi hadisə baş verib.Rayonun Bəydili kəndində sınıqçı kimi tanınan 1961-ci il təvəllüdlü Nərgiz Şahverən qızı İmanova yaşadığı evdə Biləsuvar şəhər sakini, 2022-ci il təvəllüdlü Nəzrin Emin qızı Qubadlının sümüklərini masaj edərkən azyaşlının vəziyyəti pisləşib. Nəticədə 2 yaşlı N.Qubadlı ölüb.Faktla bağlı Biləsuvar Rayon Prokurorluğunda araşdırma aparılır. / Qafqazinfo