Gənclər və İdman Nazirliyinin açıq hava idman bazasında Gənclər və İdman Nazirliyi, Azərbaycan Basketbol Federasiyasının birgə təşkilatçılığı ilə dövlət qurumları arasında 3x3 basketbol növü üzrə Respublika turniri keçirilib.
Yarışda 8 dövlət qurumundan (8 kişi və 3 qadın) komandalar mübarizə apararaq öz qüvvələrini sınayıblar.
Turnirdə iştirak edən FHN-in kişilərdən ibarət basketbol komandası yüksək nəticə əldə etməyi bacarıb. Belə ki, 5 oyun keçirən FHN-in komandası yarışın gümüş medalını qazanıb.
Qaliblər Gənclər və İdman Nazirliyinin diplom və medalları ilə mükafatlandırılıblar.
Qeyd edək ki, 2024-cü ilin aprel ayında dövlət qurumları arasında keçirilən basketbol üzrə çempionatda FHN-in kişilərdən ibarət komandası 1-ci yerə layiq görülüb.
