“Atlas Plaza” MMC-nin dövlət qarşısında vergi borcunun olduğu məlum olub.
Bu barədə Banker.az-ın İqtisadiyyat Nazirliyi yanında Dövlət Vergi Xidmətinin məlumat bazasından etdiyi rəqəmlər deyir.
Məlumata əsasən, “Atlas Plaza”nın vergi borcu 515 853.96 manatdır. Bu vergi borcu 18.09.2024-cü il tarixinə olan məlumatdır.
Qeyd edək ki, “Atlas Plaza” MMC təşkilati-hüquqi formasını dəyişərək Mənzil-Tikinti Kooperativinə çevrildiyini elan edib. Şirkət 2017-ci ildə dövlət qeydiyyatına alınıb, nizamnamə kapitalı 50 manatdır və qanuni təmsilçisi Fuad Babayevdir.
