ABŞ Türkiyə banklarına Rusiya ilə əməkdaşlığı davam etdirdikləri üçün mümkün sanksiyalarla bağlı xəbərdarlıq edib.
Publika.az xəbər verir ki, bu barədə TASS-a müsahibəsində maliyyə konsaltinq sahəsindəki mənbə bildirib .
“Doğrudur, ABŞ-dan nümayəndə heyəti gəlib, onların nümayəndələri Rusiya tərəfi ilə münasibətləri davam etdirdiyi üçün ölkəmizin banklarını qondarma və ya gizli sanksiyalarla hədələyiblər”, - agentliyin həmsöhbəti bildirib.
Bununla belə, o, Türkiyə bankları vasitəsilə əməliyyatların müəyyən prosedurlara uyğun olaraq mümkün olduğunu bildirib. Bunun üçün, əməliyyatların cari sanksiyaları pozmadığını təsdiqləyən uyğunluq prosedurunun bir hissəsi kimi sənədlər və sübutlar təqdim etmək lazımdır.
