Zaxarova rəsmi İrəvanın bəyanatını yumorla şərh etdi

Rusiya Xarici İşlər Nazirliyinin sözçüsü Mariya Zaxarova rəsmi İrəvanın Rusiyada xüsusi təlim keçən şəxslərin Ermənistanda hərbi çevriliş cəhdi ilə bağlı bəyanatını yumorla şərh edib.

Teleqraf.com yerli mətbuata istinadən xəbər verir ki, Zaxarova bunujurnalistlərin suallarını cavablandırarkən deyib.

“Ümid edirəm ki, “Comedy Club” buna görə bağlanmayıb”, - o gülərək bildirib.

Xatırladaq ki, daha əvvəl Ermənistan İstintaq Komitəsi ölkənin Milli Təhlükəsizlik Xidmətinin (MTX) əməkdaşlarının hərbi çevriliş yolu ilə hakimiyyəti zorla ələ keçirmək cəhdinin qarşısını aldığını bəyan etmişdi.

İstintaq Komitəsindən qeyd edilib ki, qrup üzvləri Rostova gedərək orada “Arbat” bazasında təlim keçiblər.