Mərkəzi və Şərqi Avropada daşqınlara səbəb olan “Boris” qasırğası İtaliyanın şimalına çatıb.
Doğru.az xəbər verir ki, bu barədə Il Fatto Quotidiano yazır.
Emiliya-Romanya bölgəsində daşqın səbəbindən mindən çox sakin təxliyə edilib. Anbarın dağılması nəticəsində iki nəfərin itkin düşdüyü bildirilir.
Bölgədə məktəblərdə dərslər ləğv edilib, dəmir yolu hərəkətində fasilələr yaranıb.
Mərkəzi və Şərqi Avropada daşqınlara “Boris” qasırğası səbəb olub. Onlar Polşa, Rumıniya, Avstriya, Çexiya, Macarıstan və Slovakiyaya da təsir edib. “The Guardian” yazır ki, Avropada daşqınlar nəticəsində azı 24 nəfər ölüb.
Bundan əvvəl məlum olub ki, Polşa Aİ-nin Mərkəzi Avropada daşqından zərər çəkmiş ölkələrin infrastrukturunun bərpası üçün ayırdığı 10 milyard avronun yarısını alacaq.
DOĞRU.AZ
