Birləşmiş Ştatlar Yaxın Şərq regionuna üçüncü döyüş təyyarələri eskadrilyasını yerləşdirib.
Yenisabah.az xəbər verir ki, bu barədə ABŞ Mərkəzi Komandanlığı bəyanat yayıb.
İsrailin təhlükəsizliyini təmin etmək üçün bölgəyə "F-15E Strike Eagle" qırıcıları gəlib. Onların yerləşdiyi ərazi rəsmi olaraq açıqlanmır. Bəzi məlumatlara görə, təyyarələr İordaniyadakı Muvaffaq Salti aviabazasındadır. azal vakansiya
Oktyabrın əvvəlində "F-16 Fighting Falcon" qırıcılarının və "A-10 Thunderbolt II" hücum təyyarələrinin əlavə eskadrilyaları, bir neçə min hərbçi ilə birlikdə artıq ABŞ Mərkəzi Komandanlığının cavabdehlik zonasına gəlmişdi.
Avqust ayında ABŞ artıq beşinci nəsil "F-22" qırıcılarını Yaxın Şərqə yerləşdirib. Bundan əlavə, ABŞ Hərbi Dəniz Qüvvələrinin nüvə mühərrikli təyyarədaşıyan gəmisi "USS Abraham Lincoln F/A-18E/F Super Hornet" və beşinci nəsil "F-35C Lightning" də daxil olmaqla, 4 qırıcı eskadronun yerləşdiyi Oman körfəzində yerləşir.
Pentaqonun rəsmi məlumatlarına görə, hazırda Yaxın Şərqdə 40 minə yaxın Amerika əsgəri və onlarla döyüş təyyarəsi var. Bundan əlavə, 154-ə qədər “Tomahawk” qanadlı raket daşıya bilən “USS Georgia” nüvə sualtı qayığı və iki idarə olunan raket esminesi Qırmızı dəniz bölgəsində növbətçilik edir.
Telegram kanalımız
