“Mançester Siti” yarımmüdafiəçi Cek Qrilişlə bağlı qərar verib.
90deqiqe.Az-ın “TEAMtalk”a istinadən məlumatına görə, "şəhərlilər" 2025-ci ildə komandada yeni oyunçuya yer açmaq üçün ingilis futbolçu ilə yollarını ayırmağa hazırdır.
Pep Qvardiola qış transfer pəncərəsində komandaya gələcək yeni oyunçular üçün 29 yaşlı futbolçunu satmaq və ya icarəyə göndərməyin tərəfdarıdır.
İddialara görə, futbolçunun özü də "Siti"ni tərk etməyi düşünməyə hazırdır, çünki o, müntəzəm oyun praktikası əldə etmək və ehtiyatda oturmamaq istəyir.
Bu mövsüm ingilis "şəhərlilər" üçün bütün turnirlərdə 10 oyun keçirib və iki məhsuldar ötürmə edib.
