"Barselona" və "Real Madrid"in əfsanələri Qətərdə meydana çıxacaq. "El Clasico" (Klassik) adlanan beynəlxalq qarşılaşmaya paytaxt Dohadakı Beynəlxalq Xəlifə stadionu ev sahibliyi edəcək.
News24.az xəbər verir ki, əfsanələr noyabrın 28-də Qətərdə oynayacaqlar.
Visit Qatar tərəfindən təşkil edilən və Qətər Futbol Federasiyasının dəstəyi ilə keçiriləcək tədbir iki komandanın əfsanəvi adını bir daha yaşıl meydanda bir araya gətirəcək. Matç saat 20:00-da başlayacaq.
Müsabiqənin yayım kanalı haqqında məlumat hələ ki, aydın deyil.
Onu da qeyd edək ki, "Barselona"nın heyətində kapitan Karles Puyol, Ronaldinyo, Xavi və Deko kimi dünya futbolunda iz qoymuş adların yer alacağı gözlənilir və Real Madrid tərəfində isə İker Kasilyas, Roberto Karlos və Luiş Fiqu kimi əfsanələr meydanda olacaq.
Günel Məlikzadə
